ÍÞróttaferð á föstudaginn

Föstudaginn 13. janúar förum við í íþróttahúsið á Þelamörk.  Börnin mega hafa með sér íþróttaföt.  Farið verður frá Álfasteini kl.: 9:40 með rútu.  Foreldrar velkomnir með.

Ágætu foreldrar og börn 

Starfsfólk Álfasteins óskar ykkur gleðilegra jóla og farsældar á nýju ári með þökk fyrir allar góðu stundirnar á árinu sem er að líða.

Skipulagsdagur verður mánudaginn 2. janúar 2012, þá er leikskólinn lokaður.

Jólaball

Jólaball Álfasteins verður miðvikudaginn 14. desember kl.: 9:30 - 10:30. 
Foreldrar velkomnir.
Dansað verður í kringum jólatréð og jólasveinninn kemur í heimsókn með gjafir handa börnunum.
Eftir jólaballið bjóða börnin foreldrum sínum upp á veitingar í anda jólanna.

Hlökkum til að sjá ykkur. 
Jólakveðjur, starfsfólk Álfasteins

Miðvikudaginn 30. nóvember bjóðum við foreldrum að koma og föndra með börnunum milli kl. 9 og 11. Sýnishorn verða tilbúin, allt efni og áhöld verða á staðnum og smá veitingar. Hlökkum til að sjá ykkur

Bókavikan hefur aldeilis gengið vel og við höfum fengið að skoða bækur af öllum stærðum og gerðum. Við þökkum börnunum fyrir að vera dugleg að koma með bækur og leyfa öllum að njóta þeirra. Dagur íslenskrar tungu var á miðvikudaginn og í tilefni af honum höfðum við sameiginlega söngstund í salnum þar sem öll börnin og starfsfólkið söng saman skemmtileg lög.

Það gleymdist alveg að blogga eftir afa- og ömmukaffið en það heppnaðist mjög vel og það var gaman að svona margir sáu sér fært að kíkja í heimsókn. Við þökkum þeim öllum kærlega fyrir komuna og þið vitið að þið eruð alltaf velkomin. Myndir frá deginum má sjá í myndaalbúminu hér á síðunni.